U mnohich krainach iznoŭ raście kolkaść vypadkaŭ karanavirusa
Jak tolki śviet spadziajecca, što pieramoha nad pandemijaj blizka, znoŭ nazirajecca rost zachvorvańniaŭ.
Fota Nadziei Bužan
Minułym letam niekatoryja palityki mierkavali, što karanavirus chutka budzie padaŭleny, adnak uvosień pačałasia druhaja chvala, jakaja achapiła Jeŭropu i ZŠA.
Zatym, kali pačalisia prahramy vakcynacyi, źjavilisia mutacyi karanavirusa, jakija mohuć źnižać efiektyŭnaść vakcyn.
Na siońnia ŭ Jeŭropie pačynajecca treciaja chvala kavidu, jakaja vymušaje ŭrady krain znoŭ uvodzić abmiežavańni. Francyja ŭžo ŭviała karancin na miesiac, pra łakdaŭn taksama zadumvajecca Hiermanija, paviedamlaje The Economist.
Niadaŭni rost vypadkaŭ zachvorvańnia vyklikaje tryvohu ŭ śviecie. U pieryjad z 11 studzienia da 20 lutaha pandemija išła na spad, adnak z taho času pakazčyki vyraśli na 30%.
Samy vysoki rost zachvorvańniaŭ nazirajecca va Uschodniaj Jeŭropie. U Estonii i Čechii štodzień fiksujecca bolš za sto novych vypadkaŭ na 100 tysiač čałaviek. U ES u siarednim hety pakazčyk składaje 31 vypadak na 100 tysiač žycharoŭ, što pryblizna supadaje ź pikam u studzieni.
Rost zachvorvańniaŭ taksama nazirajecca ŭ Łacinskaj Amierycy, dzie ź lutaha jon pavialičyŭsia ažno na treć.
Ekśpierty vyłučajuć jak minimum dźvie hałoŭnyja pryčyny, jakija abumovili treciuju chvalu. Pieršaja ź ich — źmieny ŭ pavodzinach ludziej, jakija pasłabili svaju pilnaść paśla pačatku masavaj vakcynacyi. Adnak źviestki ab mabilnaści ad Google pakazvajuć, što kolkaść ludziej u hramadskich miescach, dzie chutčej za ŭsio raspaŭsiudžvajecca kavid, zastajecca prykładna na adnym i tym ža ŭzroŭni z kastryčnika 2020 hoda.
Tamu navukoŭcy schilajucca da druhoj pryčyny — raspaŭsiudžvańnie novych, bolš zaraznych varyjantaŭ. Adzin ź ich — brytanski štam, vyjaŭleny ŭ śniežni, jaki ličycca bolš zaraznym na 30%. Niahledziačy na abmiežavańni, virus raspaŭsiudziŭsia ŭ Čechii, dzie z taho času składaje 80% usich zachvorvańniaŭ u krainie. U Francyi 60% pacyjentaŭ chvarejuć na hety štam.
Jašče bolš tryvožnym źjaŭlajecca paŭdniovaafrykanski štam, jaki lepš uchilajecca ad antycieł, što arhanizm vypracoŭvaje paśla vakcynacyi. Na jaho dolu prychodzicca 5% zachvorvańniaŭ u Francyi i 8% u Bielhii.
Krainy, jakim udałosia chutka pravieści vakcynacyju, paźbiehli rezkaha rostu kolkaści vypadkaŭ zachvorvańnia. U Vialikabrytanii amal pałova darosłaha nasielnictva atrymała jak minimum adnu pryščepku. U ZŠA dźvie treci ludziej, starejšych za 65, užo atrymali vakcynu.
U ES kampanija vakcynacyi adstaje ad ZŠA. Tolki 11% darosłaha nasielnictva atrymała vakcynu.
