«Sprabavaŭ schavacca ŭ prybiralni i pazbavicca ad hrošaj». Za chabar zatrymany dyrektar Baranavickaha stankabudaŭničaha zavoda
Supracoŭniki HUBAZiK MUS zatrymali 1 sakavika dyrektara Baranavickaha stankabudaŭničaha zavoda (filijał ZAT «Atłant») i načalnika biuro kamiercyjnaha adździeła padčas atrymańnia chabaru, paviedamlaje pres-słužba MUS.
Paviedamlajecca, što kiraŭnik pradpryjemstva sprabavaŭ schavacca ŭ prybiralni svajho kabinieta i pazbavicca ad hrošaj. Adnak hrošy ŭdałosia kanfiskavać. Chabar byŭ jak u rasijskich rublach, tak i ŭ amierykanskich dalarach.
Ustanoŭlena, što mužčyny atrymali chabar ad pradstaŭnika čalabinskaj firmy za svoječasovaje vykanańnie dahavoraŭ pastavak mietałavyrabaŭ.
Pavodle infarmacyi HUBAZiK, rabotniki ajčynnaha zavoda mahli atrymlivać «adkaty» štohod u vyhladzie pracenta ad sumy tavaraabarotu. Jak praviła, rabiłasia heta praz troch-čatyroch pasiarednikaŭ.
SK raspačaŭ kryminalnyja spravy pavodle č. 2 art. 430 (Atrymańnie chabaru ŭ značnaj sumie). Padazravanyja źmieščanyja ŭ izalatar časovaha ŭtrymańnia.
