Łukašenka: 70% taho, što pisali pra sustreču ŭ Sočy, brachnia i vydumki
Pra heta jon skazaŭ na naradzie pa pytańni biełaruska-rasijskaha supracoŭnictva ŭ vajennaj śfiery, dzie raspavioŭ pra padrabiaznaści niadaŭnich pieramoŭ z Uładzimiram Pucinym, paviedamlaje BiełTA.
BiełTA
«Paśla pieramoŭ u Sočy i tych pytańniaŭ, jakija byli padniatyja na hetych pieramovach z prezidentam Rasii, my damovilisia, što šerah pytańniaŭ my abmiarkujem na ŭzroŭni kiraŭnikoŭ urada i siłavoha błoka. Pierš za ŭsio, ministra abarony, dziaržsakratara. My vyznačyli hetyja pytańni. Vielmi šmat pisali ab hetaj sustrečy. Na žal, 70 pracentaŭ — heta brachnia i vydumki. Ja navat nie źbirajusia zaraz pieraličvać usie pytańni, jakija byli abmierkavanyja. Ich dziasiatki byli. Vielmi mnohija pytańni. Prytym padvierhnutyja revizii i abmierkavańniu litaralna ŭsie pytańni biełaruska-rasijskich adnosin», — skazaŭ Łukašenka.
Pavodle jaho słoŭ, na sustrečy z rasijskim lidaram, u pryvatnaści, abmiarkoŭvałasia ŭzajemadziejańnie ŭ farmacie Sajuznaj dziaržavy, pytańni kaapieracyi, vajennaha i vajenna-techničnaha supracoŭnictva, realizacyi sumiesnych prajektaŭ, supraćstajańnie roznym vyklikam, u tym liku źniešnim.
Pry hetym, naprykład, tema pradastaŭleńnia Biełarusi rasiejskaha kredytu nie abmiarkoŭvałasia, i jaje pieršapačatkova nie było ŭ paradku dnia. Taksama nie paŭstała pytańnie tak zvanaha tranśfieru ŭłady, ab čym pisali niekatoryja resursy.
«Kantekst hetych pieramovaŭ, kali možna tak skazać, byŭ abmiežavany ramkami Sajuznaj dziaržavy. Pieršapačatkova — jak stvarałasia Sajuznaja dziaržava, pra što damaŭlalisia, na jakim uzroŭni znachodzimsia ciapier i na što zdolnyja vyjści», - zajaviŭ Alaksandr Łukašenka.
Jon adkazaŭ na niekatoryja vydumki i chłuśnia ŭ roznych krynicach. Łukašenka adznačyŭ, što «biełarusy žyvuć u svajoj kvatery», choć jana i nievialikaja ŭ paraŭnańni ź vielizarnaj Rasijaj.
«I my suvierennaja i niezaležnaja dziaržava. Siońnia śviet źmianiŭsia nastolki, što razmovy pra toje, što Biełaruś pavinna ŭvajści ŭ skład Rasii ci Rasija pavinna ŭvajści ŭ skład Biełarusi, ci my naohuł niejak pavinny źlicca, stvaryŭšy adzinyja orhany kiravańnia… śviet nastolki źmianiŭsia, što prosta było b pa-durnomu navat pracavać u hetym kirunku. A pa-druhoje, heta absalutna nie treba. Bo, isnujučy jak suvierennaja niezaležnaja dziaržava, my možam vybudavać takuju sistemu adnosin, što hetaja sistema budzie bolš mahutnaja, čym u samoj Rasijskaj Fiederacyi ŭzajemaadnosiny asobnych terytoryj», - upeŭnieny Łukašenka.
Jon kanstatavaŭ, što ŭ Biełarusi i Rasii praktyčna adnolkavy ŭzrovień raźvićcia pa roznych napramkach, i kali krainy zachočuć, to zmohuć vybudavać takuju sistemu ŭzajemaadnosin.
«I my vielmi šmat zrabili dla hetaha. My prosta pra heta nie havorym. Bo ŭ nas ludzi majuć roŭnyja mahčymaści. Jak by ni było składana, subjekty haspadarańnia razumiejuć na pieramovach adzin adnaho, šmat čaho dasiahnuli», — padkreśliŭ Alaksandr Łukašenka.
