Minzdaroŭja viadzie pieramovy z vytvorcami ab źnižeńni cen na leki
Ministerstva achovy zdaroŭja, sumiesna z prafsajuzam i inšymi viedamstvami viaduć manitorynh situacyi pa cenach na leki, paaviedamlajecca ŭ telehram-kanale viedamstva.
Fota Nadziei Bužan
Ministerstva achovy zdaroŭja, sumiesna z prafsajuzam i inšymi viedamstvami viaduć manitorynh situacyi pa cenach na leki, paviedamlajecca ŭ telehram-kanale viedamstva.
Jak raskazaŭ namieśnik ministra Dźmitryj Čaradničenka, asnoŭnym składnikam u roźničnaj canie lekaŭ źjaŭlajecca cana vytvorcy, jakaja składaje ad 72% da 97%. Tamu śpiecyjalisty Minzdaroŭja viaduć pieramovy napramuju z vytvorcami pa źnižeńni cen.
U jakaści prykładu čynoŭnik pryvioŭ darahi preparat ksarełta, jaki rekamiendujuć u tym liku i paśla nastupstvaŭ, vyklikanych karanavirusam.
«Pradstaŭnictva kampanii Bayer AG infarmavała Minzdaroŭja ab pastanovie ab źnižeńni kantraktnych cen dla Biełarusi na lekavyja srodki: ksarełta 10 mh №30 - na 35%; ksarełta 2,5 mh №56 - na 25%».
Tak, siońnia ŭ aptekach ksarełta 20 mh (28 tabletak) pradajecca pa 144-207 rubloŭ, a ksarełta 2,5 mh (56 tabletak) pa 142-183 rubli.