Minčuk, jaki padpaliŭ siabie na płoščy Niezaležnaści, užo miesiac lažyć u balnicy biez prytomnaści
22 studzienia minčuk Pavieł Bańkoŭski vyjšaŭ na płošču Niezaležnaści i padpaliŭ siabie. Jaho vyratavali, ale dyjahnastavali 72% apiokaŭ cieła i ciažkija apioki hałavy. Jak praviła, heta faktyčna śmiarotny prysud — ale Pavieł jašče žyvy.
Čytajcie taksama: Byŭ u «Zubry», mieŭ rycarski psieŭdanim Lutuvier. Raskazvajuć siabry minčuka, jaki padpaliŭ siabie na płoščy Niezaležnaści
Siabry i byłaja žonka mierkavali, što pryčynaj moh stać padaŭleny stan mužčyny, jaho prablemy z ałkaholem, a taksama padziei ŭ krainie. Praź niekalki dzion paśla zdareńnia eks-žonka Paŭła kazała, što daktary dajuć sumny prahnoz: 1%, što mužčyna vyžyvie.
Ale ž 1 sakavika Pavieł žyvy. Jon, jak i raniej, znachodzicca ŭ balnicy. U jakim stanie mužčyna, nieviadoma, a ciapier byłaja žonka admaŭlajecca ad kamientaŭ ŚMI.
Jana paviedamiła «Našaj Nivie», što «daść kamientar, jak buduć dobryja naviny». Adpaviedna, možna zrabić vysnovu, što Bańkoŭski pa-raniejšamu ŭ nieprytomnym stanie.
Pa słovach siabroŭ, Paŭła ŭviali ŭ štučnuju komu adrazu pry špitalizacyi, ciapier jamu pieryjadyčna robiać pierasadku skury.