Мінчук, які падпаліў сябе на плошчы Незалежнасці, ужо месяц ляжыць у бальніцы без прытомнасці
22 студзеня мінчук Павел Банькоўскі выйшаў на плошчу Незалежнасці і падпаліў сябе. Яго выратавалі, але дыягнаставалі 72% апёкаў цела і цяжкія апёкі галавы. Як правіла, гэта фактычна смяротны прысуд — але Павел яшчэ жывы.
Чытайце таксама: Быў у «Зубры», меў рыцарскі псеўданім Лютувер. Расказваюць сябры мінчука, які падпаліў сябе на плошчы Незалежнасці
Сябры і былая жонка меркавалі, што прычынай мог стаць падаўлены стан мужчыны, яго праблемы з алкаголем, а таксама падзеі ў краіне. Праз некалькі дзён пасля здарэння экс-жонка Паўла казала, што дактары даюць сумны прагноз: 1%, што мужчына выжыве.
Але ж 1 сакавіка Павел жывы. Ён, як і раней, знаходзіцца ў бальніцы. У якім стане мужчына, невядома, а цяпер былая жонка адмаўляецца ад каментаў СМІ.
Яна паведаміла «Нашай Ніве», што «дасць каментар, як будуць добрыя навіны». Адпаведна, можна зрабіць выснову, што Банькоўскі па-ранейшаму ў непрытомным стане.
Па словах сяброў, Паўла ўвялі ў штучную кому адразу пры шпіталізацыі, цяпер яму перыядычна робяць перасадку скуры.
