ES praciahnuŭ sankcyi suprać biełaruskich čynoŭnikaŭ na hod
Rada ES pastanaviła padoŭžyć da 28 lutaha 2022 hoda sankcyi suprać vysokapastaŭlenych biełaruskich čynoŭnikaŭ, jakija adkaznyja za falsifikacyju vynikaŭ prezidenckich vybaraŭ i žorstkaje padaŭleńnie pratestaŭ.
Na hety pieryjad taksama padoŭžanaje dziejańnie sankcyj suprać šerahu biełaruskich pradpryjemstvaŭ i biznesoŭcaŭ, «jakija padtrymlivajuć režym Łukašenki».
Sankcyi ES dziejničajuć suprać 88 čałaviek, u tym liku Alaksandra Łukašenki. Abmiežavańni praduhledžvajuć zamarožvańnie aktyvaŭ i zabaronu na ŭjezd u ES. Akramia taho, hramadzianam i kampanijam ź ES zabaraniajecca pradastaŭlać jakija-niebudź srodki tym, chto znachodzicca ŭ sankcyjnym śpisie.
U toj ža čas u Jeŭrasajuzie zajavili, što nie ŭbačyli źmien u situacyi ŭ Biełarusi, i dapuścili ŭviadzieńnie novych sankcyj. Ab płanach razhledzieć takuju mahčymaść 22 lutaha paviedamiła Rada ES pa zamiežnych spravach.