«Boinh» paprasiŭ prypynić paloty łajnieraŭ 777 paśla vypadku ŭ Kałarada
Avijabudaŭničaja karparacyja Boeing rekamiendavała prypynić paloty łajnieraŭ 777 z ruchavikami Pratt & Whitney 4000-112 na čas rasśledavańnia, pačataha ŭ suviazi z uzharańniem adnaho z takich ruchavikoŭ u ZŠA padčas rejsa. Adpaviednaja zajava apublikavana na sajcie Boeing, piša RBK.
«U toj čas jak rasśledavańnie Nacyjanalnaha savieta pa biaśpiecy na transparcie praciahvajecca, my rekamiendavali prypynić ekspłuatacyju 69 samalotaŭ u ekspłuatacyi i 59 samalotaŭ, jakija znachodziacca na stajancy, z ruchavikami Pratt & Whitney 4000-112 da taho času, pakul Fiederalnaje ŭpraŭleńnie hramadzianskaj avijacyi nie vyznačyć adpaviedny pratakoł pravierki», — havorycca ŭ zajavie.
Napiaredadni, 21 lutaha, u pasažyrskaha samalota Boeing 777, jaki vylecieŭ z Denviera (štat Kałarada) u Hanałułu (Havai), padčas palotu zahareŭsia i admoviŭ ruchavik. Častka jaho kažucha ŭpała ŭ žyłym rajonie horada Brumfiłd.
Na borcie łajniera, jaki naležaŭ kampanii United Airlines, znachodziŭsia 241 čałaviek. Samalot viarnuŭsia ŭ aeraport vyletu, dzie paśpiachova pryziamliŭsia.
