Pres-kanfierencyi pa vynikach pieramoŭ Łukašenki i Pucina pakul nie płanujecca
Pra heta zajaviŭ žurnalistam u piatnicu pres-sakratar prezidenta Rasii Dźmitryj Piaskoŭ, piša TASS.
TASS
U adkaz na pytańnie, ci płanujecca pres-kanfierencyja abo zajavy pa vynikach sustrečy kiraŭnikoŭ krain, pradstaŭnik Kramla zaŭvažyŭ: «Vy viedajecie, jany nie kožny raz heta robiać, bo siadziać padoŭhu, jak praviła». «Na hety raz, kali prezidenty nie paličać pa-inšamu, pres-kanfierencyja nie płanujecca», — skazaŭ Piaskoŭ.
Jak rastłumačyŭ pres-sakratar prezidenta RF, «viadoma ž, kali jany [prezidenty] paličać nieabchodnym zrabić niejkija zajavy sami, nie praz pamočnikaŭ, a mienavita sami, to jany zmohuć heta zrabić. Ale jašče raz paŭtaraju — u prahramie takoha pakul niama», — padkreśliŭ jon.
Pry hetym pradstaŭnik Kramla nie paznačyŭ miesca praviadzieńnia pieramoŭ. «My jašče ŭdakładnim», — adkazaŭ Piaskoŭ na prośbu paviedamić, dzie budzie prachodzić sustreča Łukašenki i Pucina.
