A1 zapuściŭ muzyčny servis i budzie prasoŭvać biełaruski kantent
A1 zapuściŭ servis A1 Xplore Music ad Deezer i nievypadkova pradstaviŭ svoj novy fłahmanski pradukt 18 lutaha na kancercie On Air party na VOKA, dzie vystupali papularnyja biełaruskija hurty i vykanaŭcy. Užo zaraz abanienty kampanii mohuć atrymać dostup da jeŭrapiejskaj stryminhavaj płatformy na śpiecyjalnych umovach, a ŭ chutkim časie słuchać tam biełaruskamoŭny kantent.
Dziakujučy takoj kałabaracyi ŭ karystalnikaŭ A1 Xplore Music ad Deezer jość mahčymaść słuchać lubimuju muzyku, aŭdyjaknihi i padkasty z dobrym hukam bieź pierapynkaŭ na rekłamu i nie tracić na heta mabilny trafik. Akramia taho, karystalniki zmohuć atrymlivać piersanalnyja rekamiendacyi pa padbory trekaŭ, šukać ich z dapamohaj funkcyi raspaznavańnia piesień i stvarać svoj profil u Deezer, kab dzialicca płejlistami ź siabrami.
A1 płanuje prasoŭvać na Deezer svaje ŭłasnyja inicyjatyvy i pašyrać na płatformie biełaruskamoŭny kantent.
Na toje, kab prateściravać i acanić novy pradukt, u abanientaŭ A1 jość miesiac — pieršyja 30 dzion pasłuha A1 Xplore Music ad Deezer biaspłatnaja. Paśla — za 5,9 rubla ŭ miesiac, choć standartnaja padpiska dla ŭsich astatnich karystalnikaŭ kaštuje amal 7 jeŭra. Suma budzie śpisvacca z bałansu rachunku mabilnaha telefona. Aktyvavać A1 Xplore Music ad Deezer možna praz Asabisty kabiniet abanienta ŭ dadatku «Moj A1» ci na sajcie A1.by.
