U Katałonii niezaležniki ŭpieršyniu nabrali bolš za 50% hałasoŭ
Kaalicyja niezaležnickich partyj daŭno kiruje Katałonijaj. Na ŭčorašnich vybarach jany ŭpieršyniu nabrali 51% hałasoŭ.
Za Katałonijaj pilna sočać małyja i bieździaržaŭnyja narody ŭ roznych dziaržavach, bo zdabyćcio katałoncami niezaležnaści moža stać prykładam. Akramia taho, vysokaraźvitaja Katałonija — test na toje, ci nacyjanalnaja kultura i mova patrebnyja ludziam u zaŭtrašnim hłabalnym śviecie.
Čytajcie taksama: Katałonija z Alaksiejem Łastoŭskim: ramanskija freski, hotyka, Haŭdzi i Miro
Na vybarach 2017 hoda niezaležniki sabrali 48,4% hałasoŭ, ciapier — 51%.
Praispanskija partyi źbirajuć u Katałonii ad 15 da 30% hałasoŭ. Rešta hałasuje za siły, jakija pamiarkoŭnyja ŭ hetym pytańni. Imavierna, niezaležniki pieramahli b na refierendumie ab niezaležnaści, ale Madryd nie daje na jaho zhody.
Pośpiech niezaležnikaŭ moža być źviazany ź nizkaj jaŭkaj — vybarcy bajalisia karanavirusa, a nacyjanalny elektarat lepš admabilizavany.
Apošniaja hadzina hałasavańnia była adviedzienaja ludziam chvorym ci z padazreńniem na kavid. Na hety pieryjad členy vybarkamaŭ i naziralniki pamianiali maski na abarončyja kaściumy. «Hadzina zombi», — śmiajucca katałoncy.
Va ŭradavuju kaalicyju ŭ Katałonii ŭvachodzić levacentrysckaja ERC, pravacentrysckaja Junts i ultralevaja CUP.
Čytajcie taksama: Jak hučyć katałonski himn VIDEA
