U rasijskim Uładzikaŭkazie mocny vybuch u supiermarkiecie. Budynak całkam razburany
Va Uładzikaŭkazie adbyŭsia mahutny vybuch u supiermarkiecie na vulicy Hahkajeva, paviedamili ŚMI. Budynak razburany. Infarmacyi pra kolkaść paciarpiełych pakul niama.
@Oleg_Ilchenko / Twitter
Videa ź miesca vybuchu apublikavaŭ telehram-kanał «Mabilny reparcior». Na im vidać, što budynak, u jakim raźmiaščałasia niekalki supiermarkietaŭ, amal całkam razburany, paviedamlaje RBK.
U pres-słužbie MUS pa Paŭnočnaj Asiecii paviedamili, što vybuch adbyŭsia ŭ supiermarkiecie «Mahnit». «RIA Novosti» sa spasyłkaj na ekstrannyja słužby paviedamlaje, što ŭ budynku vybuchnuŭ haz.
Pavodle papiaredniaj infarmacyi, pry vybuchu, jaki adbyŭsia ŭ niepracoŭny čas, jość prynamsi adzin paciarpieły. Krynica «Interfaksa» paviedamiła ab adnym čałavieku. U Ministerstvie achovy zdaroŭja rehijona paviedamili, što pad zavałami mohuć znachodzicca ludzi.