У расійскім Уладзікаўказе моцны выбух у супермаркеце. Будынак цалкам разбураны
Ва Уладзікаўказе адбыўся магутны выбух у супермаркеце на вуліцы Гагкаева, паведамілі СМІ. Будынак разбураны. Інфармацыі пра колькасць пацярпелых пакуль няма.
@Oleg_Ilchenko / Twitter
Відэа з месца выбуху апублікаваў тэлеграм-канал «Мабільны рэпарцёр». На ім відаць, што будынак, у якім размяшчалася некалькі супермаркетаў, амаль цалкам разбураны, паведамляе РБК.
У прэс-службе МУС па Паўночнай Асеціі паведамілі, што выбух адбыўся ў супермаркеце «Магніт». «РІА Новости» са спасылкай на экстранныя службы паведамляе, што ў будынку выбухнуў газ.
Паводле папярэдняй інфармацыі, пры выбуху, які адбыўся ў непрацоўны час, ёсць прынамсі адзін пацярпелы. Крыніца «Інтэрфакса» паведаміла аб адным чалавеку. У Міністэрстве аховы здароўя рэгіёна паведамілі, што пад заваламі могуць знаходзіцца людзі.