«Pryjarytet nacyjanalnych intaresaŭ i zakanadaŭstva»: Katalicki kaścioł prapanavaŭ dapaŭnieńni ŭ try artykuły Kanstytucyi
Ekśpiertnaja rada pa pytańniach žyćcia i siamji Minska-Mahiloŭskaj archidyjacezii ŭniesła prapanovy pa źmienach u Kanstytucyju na «Usiebiełaruski narodny schod», paviedamlaje catholic.by.
catholic.by
U skład ekśpiernaj rady ŭvachodziać Hanarovy Mitrapalit Minska-Mahiloŭski arcybiskup Tadevuš Kandrusievič, śviatary: ksiondz prełat Andrej Steckievič i ksiondz Siarhiej Dabrahost, hreka-katalicki śviatar ajciec Alaksandr Šybieka, a taksama śvieckija aktyvisty pa abaronie žyćcia: Uładzisłaŭ Vałachovič, Ludmiła Čakanava, Nadzieja Šarko i Ivan Puzanaŭ.
Prapanovy datyčacca abarony žyćcia ad momantu začaćcia da naturalnaj śmierci, a taksama tradycyjnych siamiejnych kaštoŭnaściaŭ.
Dapaŭnieńni prapanujecca ŭnieści ŭ try artykuły asnoŭnaha zakona Biełarusi:
- U artykuł 8 Kanstytucyi:
U pytańniach, jakija datyčacca siamiejnych kaštoŭnaściaŭ i siamiejnaj palityki, pryjarytetnymi źjaŭlajucca nacyjanalnyja intaresy i zakanadaŭstva.
- U artykuł 24 Kanstytucyi:
Kožny maje prava na žyćcio z momantu začaćcia i da momantu naturalnaj śmierci.
- U artykuł 32 Kanstytucyi:
- Tradycyjnyja siamiejnyja kaštoŭnaści źjaŭlajucca pryjarytetam dziaržaŭnaj palityki.
- Šlub — heta sajuz adnaho mužčyny i adnoj žančyny.
- Baćki majuć vyklučnaje prava na vychavańnie svaich dziaciej tak, jak jany ličać nieabchodnym pavodle ich pierakanańniaŭ, kali heta nie supiarečyć zakonu.
