«My vas nie vybirali». Pratesty suprać «Usiebiełaruskaha narodnaha schodu» FOTA, VIDEA
U Minsku i vakolicach nie spyniajucca štodzionnyja maršy i pikiety pad bieł-čyrvona-biełymi ściahami. Ich udzielniki pratestujuć suprać biezzakońnia i patrabujuć svabodnych vybaraŭ.
Kałona na vulicach Sierabranki — tut na šeście sabralisia bolš za 50 čałaviek
Napiaredadni «Usiebiełaruskaha schodu» arhanizavalisia žychary Sierabranki i Zachadu. I ŭ tym, i ŭ tym rajonie ŭviečary sierady na demanstracyi vyjšli dziasiatki čałaviek. I heta niahledziačy na maroz — tempieratura ŭ Minsku apuściłasia da -12 hradusaŭ.
Častka kałony na Zachadzie. Miarkujučy pa videa, u šeści brali ŭdzieł bolš za 30 čałaviek
A voś ludzi sa ściahami na bulvary Šaŭčenki i vulicy Haja
Čytačy «Našaj Nivy» paviedamili taksama pra akcyi ŭ Kałodziščach, Žodzinie, Pružanach i mnohich inšych haradach i miastečkach krainy.
