Dvoje padletkaŭ u Dziaržynsku ŭziali čužy mikraaŭtobus pakatacca. Prajechali tolki 200 mietraŭ
Zdareńnie adbyłosia ŭ kancy studzienia. 14-hadovy žychar Stoŭbcaŭ na paru z 15-hadovym chłopcam z Karelickaha rajona pryjechali ŭ Dziaržynsk. Tam pavinna była adbycca sustreča ź miascovymi chłopcami, ź jakimi jany paznajomilisia ŭ sietcy, paviedamlaje pres—słužba MUS.
Pa darozie hości horada pačali tuzać ručki aŭtamabilaŭ u nadziei znajści adkryty. Adčyniŭsia hruzavy «Mersedes», pryparkavany kala budaŭničaj kramy. U zamku znachodziŭsia kluč.
Daloka źjechać nie ŭdałosia: praz 200 m mašyna zahłuchła. Kali školniki vyjšli z sałona, ich paklikaŭ ŭładalnik taho samaha markieta, kala jakoha stajała mašyna. Jon pačuŭ, jak aŭto zavodziać, i vyjšaŭ na vulicu.
Usia čaćviorka kinułasia ŭciakać (da taho času da miesca zdareńnia padyšli astatnija ŭdzielniki sustrečy). Mužčyna zapomniŭ prykmiety miascovaha žychara, praź jakoha ŭdałosia vyjści na padazravanych. Padletkaŭ zatrymali.
