U adkaz na podpisy 100 čałaviek biełarusy sabrali 100 000 podpisaŭ suprać zabarony histaryčnaha ściaha
Sajt z pietycyjaj u abaronu bieł-čyrvona-biełaha ściaha sabraŭ rekordnyja 100 tysiač podpisaŭ. Nahadajem, ułady zadumalisia ab zabaronie nacyjanalnaj simvoliki, pryvodziačy ŭ jakaści arhumientu podpisy sotni hramadzian.
Aŭtary pietycyi (Kaardynacyjnaja rada) ličać, što zabarona na vykarystańnie bieł-čyrvona-biełaj simvoliki nie abhruntavana ničym, akramia palityčnaha cisku na hramadzian, niazhodnych ź dziejańniami ŭładaŭ.
— Hramadzianie pavinny mieć mahčymaść źviartacca ŭ dziaržaŭnyja orhany, patrabavać pryznańnia peŭnych kampanij, asob, koleraŭ ekstremisckimi. Ale my dakładna viedajem, što zabarona bieł-čyrvona-biełaj simvoliki — heta nie žadańnie naroda, a kapryz 100 čałaviek, — havorycca ŭ zvarocie, jaki płanujecca adpravić u Hienprakuraturu i Ministerstva kultury.
U pietycyi nahadvajuć, što bieł-čyrvona-bieły ściah, jaki byŭ dziaržaŭnym ściaham Biełarusi z 1991 pa 1995 hod, źjaŭlajecca prykładam niemateryjalnaj kulturnaj kaštoŭnaści.
Pa zakonie ŭličvajucca hałasy hramadzian i rezidentaŭ Biełarusi. Statystyka naviedvańniaŭ pakazvaje, što 92% zachodaŭ na pietycyju — ź Biełarusi. Astatnija — z Rasii, Polščy, Irłandyi, Złučanych Štataŭ.
Tekst zvarotu i sabranyja podpisy padajucca ŭ orhany ŭ elektronnym vyhladzie. Hetaja pietycyja budzie nakiravana ŭ Ministerstva kultury, Hienieralnuju prakuraturu i Ministerstva ŭnutranych spraŭ.
