Rasija i Biełaruś viartajuć čyhunačnyja rejsy
Rasija adnaŭlaje pasažyrskaje čyhunačnaje złučeńnie ź Biełaruśsiu, jakoje było pierapyniena ŭ sakaviku z-za karanavirusa. Takoje rašeńnie było abvieščana na apieratyŭnym štabie pa praduchileńni zavozu i raspaŭsiudžvańnia COVID-19, paviedamlaje «Interfaks».
Adnaŭleńnie pieravozak zapłanavana na 8 lutaha, adpaviednyja dakumienty padpisaŭ premjer-ministr Rasii Michaił Mišuścin.
Tak, na ŭzajemnaj asnovie buduć adnoŭlenyja pieravozki pa maršrucie Minsk — Maskva — Minsk i pa maršrucie Maskva — Kalininhrad, Kalininhrad — Sankt-Pieciarburh sa spynieńniem ciahnikoŭ u Minsku.
Taksama z 8 lutaha na ŭzajemnaj asnovie budzie pavialičana kolkaść rehularnych avijarejsaŭ Maskva — Minsk z troch da piaci na tydzień, a taksama adnoŭlena pavietranaje złučeńnie z Rastovam-na-Donie i z Sankt-Pieciarburha ŭ Minsk pa adnym rejsie na tydzień z kožnaha aeraporta.
