U Kitai razdajuć hrošy, kab hramadzianie praviali svoj Novy hod doma
Novy hod — samaje maštabnaje i važnaje śviata ŭ Kitai. Jano praciahniecca z 12 pa 27 lutaha. Aficyjna kitajcy buduć adpačyvać siem dzion — z 12 pa 18 lutaha. Ale ŭ hetym hodzie na navahodnija śviaty kitajcaŭ sprabujuć prymusić siadzieć doma.
Unplash
U čas navahodnich śviataŭ kitajcy časta jeździać da svajakoŭ u inšyja harady, a heta stvaraje vielizarnuju mihracyjnuju płyń, paviedamlaje korrespondent.net.
Kab praduchilić masavyja pierajezdy ludziej z rehijonu ŭ rehijon, kiraŭnictva niekatorych kitajskich haradoŭ prapanuje svaim žycharam hrošy, kab tyja zastalisia doma.
«Heta treba dla praduchileńnia raspaŭsiudžvańnia karanavirusa — asabliva na fonie novych ačahoŭ uzharańnia infiekcyi na paŭnočnym uschodzie krainy», — tłumačać svajo rašeńnie ŭ meryi.
Niekatoryja harady «za śviata doma» prapanujuć adnu tysiaču kitajskich juaniaŭ ($155). U inšych — adkryli biaspłatny dostup da hałoŭnych słavutaściach. Adzin z rajonaŭ haradskoj akruhi Čanša razdaść pa 30 hihabajt mabilnaha internetu, 200 elektronnych knih i biaspłatnyja maski tym, chto zastaniecca doma.
U Kitai prykładna 291 miljon pracoŭnych-mihrantaŭ, jakija zarehistravanyja jak sielskija žychary, ale pracujuć u haradach. U asnoŭnym jany vykonvajuć nizkaapłatnuju pracu i pazbaŭlenyja mnohich sacyjalnych ilhot. Dla mnohich ź ich Novy hod — heta adzinaja mahčymaść naviedać dziaciej i baćkoŭ.
Ad tych, chto ŭsio ž taki vyrašyć pajechać dadomu, urad Kitaja patrabuje atrymać admoŭny vynik testu na COVID-19 i prajści 14-dzionny karancin.
