Enierhietyki adnaŭlajuć elektryčnaść u 400 vioskach, u astatnich uklučyli
Pa stanie na 6:00 27 studzienia vialisia raboty pa likvidacyi prablem z elektraenierhijaj u 402 nasielenych punktach krainy.
Pra heta paviedamiła «Biełenierha» ŭ svaim telehram-kanale.
Drevy pad ciažaram śniehu i naledzi nachilalisia da linij elektrapieradačy. Abledzianiełyja i zaśniežanyja pravady nie vytrymlivali ciažaru śniehu, ad padajučych halinak i dreŭ abryvalisia. Usio heta stała pryčynami adklučeńnia elektryčnaści.
Da adnaŭlenčych i ramontnych rabot pryciahnutyja 1400 čałaviek i 450 adzinak techniki.
26 studzienia pa terytoryi Biełarusi prajšoŭ śniežny cykłon «Łars». Asnoŭny ŭdar stychii pryjšoŭsia na Bresckuju, Hrodzienskuju dy Homielskuju vobłaści.
Za minułyja sutki enierhietyki adnavili elektrazabieśpiačeńnie 1800 nasielenych punktaŭ.
