Apazicyja ŭ Rasii anansavała masavyja pratesty na nastupnyja vychodnyja
23 studzienia ŭ roznych haradach Rasiei prajšli šmattysiačnyja akcyi za vyzvaleńnie Alaksieja Navalnaha. Zatrymana bolš za 3,5 tysiačy čałaviek.
Kiraŭnik sietki rehijanalnych štaboŭ Fondu baraćby z karupcyjaj (FBK) Leanid Vołkaŭ u žyvym efiry «Navalnyj Live» zajaviŭ ab planach pravieści pratesty ŭ nastupnyja vychodnyja, piša «Radyjo Svaboda».
Pavodle jahonych słoŭ, štaby Navalnaha, niahledziačy na aryšty kaardynataraŭ, pakažuć, jak jany ŭmiejuć «samaarhanizavacca» i «pierahrupoŭvajucca».
«My ŭ nastupnyja vychodnyja praviadziom novyja pratesnyja akcyi pa ŭsioj krainie. Alaksiej Navalny pavinien być nieadkładna vyzvaleny, — skazaŭ pradstaŭnik fondu. — Jon ciapier znachodzicca ŭ niebiaśpiecy, i dla hetaha nijakich srodkaŭ, nijakich instrumentaŭ nie škada. I my ličym, što našyja absalutna spraviadlivyja patrabavańni pavinny być vykananyja».
Leanid Vołkaŭ padkreśliŭ, što jany buduć zaklikać ludziej znoŭ vychodzić na pratesty ŭ nastupnyja vychodnyja i prychodzić na sud 2 lutaha, kab tam zapatrabavać vyzvaleńnia Navalnaha.
Druhoha lutaha Simanaŭski sud Maskvy budzie razhladać chadajnictva ab zamienie ŭmoŭnaha terminu Navalnamu na realny — try z pałovaj hady źniavoleńnia ŭ papraŭčaj kalonii. Pavodle versii rasiejskich uładaŭ, Navalny parušyŭ praviły ŭmoŭnaha asudžeńnia pa spravie «Iŭ Raše», nia adznačyŭšysia ŭ rasiejskaj inspekcyi paśla taho, jak jaho vypisali ź niamieckaj kliniki.
