Na Šry-Łancy zaraziłasia karanavirusam ministarka zdaroŭja, jakaja piła mahičny sirop ad kavidu
Ministr achovy zdaroŭja Šry-Łanki Pavitra Vaniaračy, jakaja prymała traviany sirop dla praduchileńnia COVID-19 zaraziłasia karanavirusam.
Pra heta paviedamlaje lenta.ru sa spasyłkaj na Associated Press.
Aficyjny pradstaŭnik Ministerstva achovy zdaroŭja krainy 23 studzienia paćvierdziŭ, što Vaniaračy, jakaja raniej sutyknułasia z krytykaj za ŭžyvańnie i padtrymku travianoha siropu ad karanavirusa, vyrablenaha viedźmakom, atrymała stanoŭčy vynik testu. Ciapier joj daviadziecca adpravicca na karancin.
U śniežni minułaha hoda tysiačy ludziej sabralisia ŭ doŭhich čerhach u horadzie Kiehale, na paŭnočny ŭschod ad stalicy Šry-Łanki Kałomba, kab zajmieć sirop. Heta adbyłosia ŭsiaho praź niekalki dzion paśla taho, jak Vaniaračy i niekalki inšych uradavych čynoŭnikaŭ publična jaho pili.
U svaju čarhu, daktary zajaŭlali, što niama nijakich navukovych padstaŭ ličyć, što sirop źjaŭlajecca lekami ad karanavirusa. Jak miarkujecca, u jaho skład uvachodziać miod i muskatny arech.
