MUS: Ludziej u lidskim sudzie zatrymlivali pa kryminalnaj spravie ab chulihanstvie
U Lidskim sudzie siońnia zatrymali ludziej, jakija pryjšli padtrymać elektramanciora Kaśpiaroviča.
Jak paźniej udakładniŭ pradstaŭnik MUS pa Hrodnienskaj vobłaści Jaŭhien Dudko, pieršasnaja infarmacyja pra «dva dziasiatki» zatrymanych niekarektnaja — zatrymana było 8 čałaviek, piaciora ź ich adpuščanyja biez pratakołaŭ.
«A troje apytanyja ŭ ramkach kryminalnaj spravy pa artykule 339 (Chulihanstva) i taksama adpuščanyja. Kryminalnaja sprava zaviedzienaja pa fakcie nieprystojnych dziejańniaŭ u sudzie padčas abviaščeńnia prysudu Vitoldu Ašurku», — skazaŭ Dudko.
Kim inicyjavany kryminalny praces Dudko dakładna nie viedaje, ale, maŭlaŭ, dakładna nie MUS: «Imavierna, prakuratura, bajusia pamylicca», — skazaŭ pradstaŭnik UUS Hrodnienskaha abłvykankama.
Viadoma, što lidčuki sustreli emacyjnaj reakcyjaj prysud Vitoldu Ašurku — u tym ža sudzie 18 studzienia sudździa Maksim Fiłataŭ prysudziŭ Ašurku 5 hadoŭ kałonii. Ludzi pačali kryčać Fiłatavu «Hańba!» i padtrymlivać Ašurka.