Aktyvist ź Lidskaha rajona Vitold Ašurak asudžany na 5 hadoŭ kałonii
Jaho abvinavačvali pa artykułach 342 č. 1 (Udzieł u hrupavych dziejańniach, što hruba parušajuć hramadski paradak) i 364 (Hvałt u dačynieńni da supracoŭnika milicyi).
Fota z fejsbuka
Sud nad aktyvistam ź Biarozaŭki pačaŭsia 28 śniežnia ŭ Lidzie i prachodziŭ u zakrytym režymie. Siońnia byŭ vyniesieny prysud — piać hadoŭ kałonii ahulnaha režymu.
Sudździa Maksim Fiłataŭ taksama pastanaviŭ «paśviedčańnie BNF — dokaz złačynstva — źniščyć».
Fota z fejsbuka Juryja Hubareviča
Fota z fejsbuka Juryja Hubareviča
Vitolda Ašurka spačatku zatrymali ŭviečary 9 žniŭnia, ale praź niekalki dzion adpuścili, kali pa ŭsioj krainie paśla chvali pratestaŭ vyzvalali źniavolenych udzielnikaŭ pratestaŭ.
Potym jaho zabrali 19 vieraśnia i asudzili na 30 dzion aryštu ŭ administracyjnych spravach za ŭdzieł u 8 mitynhach. Adnak praź miesiac Ašurka nie vypuścili, bo zaviali na jaho kryminalnyja spravy.
