Adnaho z eks-kiraŭnikoŭ Skidzielskaha cukrovaha kambinata asudzili na piać hadoŭ kałonii
Adnaho z eks-kiraŭnikoŭ Skidzielskaha cukrovaha kambinata asudzili na piać hadoŭ pazbaŭleńnia voli ŭ papraŭčaj kałonii ŭzmocnienaha režymu.
Fota «Radyjo Svaboda»
Pra heta paviedamili Hrodna.life ŭ Hrodzienskim rajonnym sudzie.
Prysud vynieśli 19 studzienia. Mužčynu pryznali vinavatym pavodle č. 1 i č. 2 art. 430 KK — Atrymańnie chabaru i atrymańnie chabaru paŭtorna. Taksama eks-kiraŭniku treba budzie vypłacić štraf u 500 bazavych vieličyń — 14 500 rubloŭ. Jon na piać hadoŭ pazbaŭleny prava zajmać pasady, źviazanyja z vykanańniem administracyjna-haspadarčych i arhanizacyjna-rasparadčych abaviazkaŭ.
Mužčynu pakinuli pad vartaj. U jaho jość 10 dzion na abskardžańnie prysudu, pakul jon nie ŭstupiŭ u zakonnuju siłu.
Spravu pieradali ŭ sud u pačatku śniežnia 2020. Tady pisałasia, što abvinavačany — były namieśnik hiendyrektara Skidzielskaha cukrovaha kambinata Siarhiej Kulikoŭski. Jaho zatrymali ŭ lipieni 2020. Na kambinacie jon adkazvaŭ za nabyćcio i pierapracoŭku cukrovych burakoŭ i syrca.
Sprava Kulikoŭskaha nie źviazana z hučnaj «cukrovaj spravaj», jakaja pačałasia, kali 24 studzienia ŭ niebie nad Polščaj razharnuli samalot «Biełavija» ź Minska ŭ Miunchien. Samalot pasadzili ŭ Hrodnie. Praź niekalki dzion stała viadoma, što zatrymali dyrektaroŭ usich čatyroch biełaruskich cukrovych zavodaŭ. Spravu rasśledavali ŭ KDB.