Viktaru Marozu, jakoha zatrymali ŭ Novaj Baravoj, pahražajučy pistaletam, prysudzili 14 dzion aryštu
Viktara Maroza asudzili da 14 sutak aryštu, paviedamlajuć pravaabaroncy. Na sudzie adzin ź milicyjanieraŭ raspavioŭ, navošta ŭ toj viečary ŭ dvary ŭ prysutnaści dziciaci spatrebiłasia dastavać zbroju.
Žorstkaje zatrymańnie Maroza trapiła na videa, dzie vidać, jak nieviadomy, pahražajučy zbrojaj, udaraje Viktara nahoj. Paźniej Maroza pavieźli na chutkaj u balnicu, dzie jon znachodziŭsia ceły tydzień. Užo 13 studzienia adbyŭsia sud, na jakim Maksim Trusievič adpraviŭ spravu pa č. 1 art. 23.34 KaAP na dapracoŭku.
Pieršamajski RUUS «dapracavaŭ» spravu Viktara Maroza, pierakvalifikavaŭšy jaje ŭ art. 23.4 KaAP (niepadparadkavańnie supracoŭnikam milicyi).
Na sudzie Viktar rastłumačyŭ, što hulaŭ pa dvary, kali ŭbačyŭ, što na jaho biahuć ludzi. Kab jaho susiedka nie ŭpała, jamu daviałosia jaje abniać. U hety čas jaje schapiŭ nieviadomy, udaryŭ mužčynu i dastaŭ zbroju. Kab zrazumieć, što naohuł adbyłosia i chto hety nieviadomy, Viktar patelefanavaŭ u milicyju.
Sa słovaŭ Viktara, kala prachodu jon zaŭvažyŭ hrupu ludziej u bałakłavach, jakija pačali jaho zatrymlivać. Na prośbu pradstavicca i pakazać dakumienty, skazali tolki, što jany ź milicyi. Mužčynu ŭdaryli ŭ soniečnaje splacieńnie, nanieśli ŭdary pa patylicy i šyi, potym zakinuli ŭ bus i pavieźli ŭ les, dzie pierasadzili ŭ inšuju mašynu, kab advieźci ŭ Pieršamajskaje RUUS.
Śviedka, jaki nibyta naziraŭ za dziejańniami kalehi, kali toj dastaŭ zbroju ŭ prysutnaści dziciaci, na sudzie rastłumačyŭ, što kali jany niasuć słužbu padčas niesankcyjanavanych mierapryjemstvaŭ, jany pavinny być apranutyja ŭ cyvilnaje.
Taksama śviedka rastłumačyŭ, navošta spatrebiłasia dastavać zbroju:
«U suviazi z tym, što supracoŭnikam była zatrymanaja dziaŭčyna, i tym, što Maroz byŭ ahresiŭna nastrojeny, i jon nie adyšoŭ, paśla taho, jak kaleha nanios udar u žyvot — jon dastaŭ tabielnuju zbroju, kab zaścierahčy dziaŭčynu i siabie».
U Viktara paškodžańnie miakkaj tkanki žyvata, udar patyličnaj častki, pazvanočnika. A ŭ turmie ŭ mužčyny prapaŭ niuch.
U vyniku Maksim Trusievič pryznaŭ vinavatym Viktara Maroza i prysudziŭ 14 sutak.
Čytajcie taksama:
Viktar Maroz, jakomu ŭ Novaj Baravoj pahražali pistaletam: Bili kala mašyny pa hałavie, lažu ŭ balnicy z ČMT
Nalot na Novuju Baravuju. «Nieviadomy ŭ trenikach dastaje pistalet i na vačach dziciaci bje muža nahoj u žyvot» VIDEA
Źbitaha ŭ dvary Viktara Maroza pieraviali ŭ chirurhiju Balnicy chutkaj dapamohi: «Strasieńnie mozhu, vanity, niešta z šyjaj»
