U Breście padletak zvaliŭsia z bałkona 11-ha paviercha
Vučań škoły №9 u Breście zvaliŭsia z 11 paviercha. 14-hadovy Raman zahinuŭ u noč na 17 studzienia.
Niaščaście adbyłosia ŭ domie, dzie zdymaje kvateru jaho siabroŭka, paviedamlaje 1reg.by.
Jak raspaviali siabry Ramana, dniom 17 studzienia jany sabralisia ŭ dziaŭčyny adznačyć jaje dzień naradžeńnia. Nie abyšłosia biez ałkaholu. Roma adprasiŭsia ŭ baćkoŭ na noč. I prykładna ŭ hadzinu nočy pajšoŭ padychać na ahulny bałkon. Jon doŭha nie viartaŭsia, siabry pajšli šukać jaho i ŭbačyli chłopca na ziamli. U toj momant da jaho jakraz padjazdžała chutkaja.
Śledčyja, pa słovach siabroŭ, užo apytali ŭdzielnikaŭ hulanki. Pryjacieli ličać, što adbyŭsia niaščasny vypadak.
— Roma nie moh sam hetaha zrabić. Jon byŭ viasiołym, pazityŭnym zaŭsiody ŭśmichaŭsia, — kaža adna ź siabrovak junaka. — U jaho było šmat płanaŭ, jon chacieŭ stać paśpiachovym biznesmienam.
Siabry ličać, što jon nie raźličyŭ adlehłaść i prosta mocna pierachiliŭsia praz aharodžu bałkona. Chłopiec byŭ adzinym dziciom u siamji.
