Šyrokaja hrašovaja masa ŭ Biełarusi za śniežań vyrasła na 2,9%
Šyrokaja hrašovaja masa, jakaja ŭklučaje najaŭnyja hrošy ŭ zvarocie, srodki nasielnictva i pradpryjemstvaŭ na rachunkach u bankach, na 1 studzienia skłała Br50,8 młrd.
Šyrokaja hrašovaja masa ŭ Biełarusi, jakaja ŭklučaje najaŭnyja hrošy ŭ zvarocie, srodki nasielnictva i pradpryjemstvaŭ na rachunkach u bankach, na 1 studzienia skłała Br50,8 młrd, pavialičyŭšysia ŭ paraŭnańni z pakazčykam na 1 śniežnia na 2,9%, paviedamlaje BiełTA sa spasyłkaj na źviestki Nacyjanalnaha banka.
Abjom najaŭnych hrošaj u zvarocie za śniežań vyras da Br4,124 młrd (na 2,7%).
Pieravodnyja depazity vyraśli na 9,2% da Br6,159 młrd. Pry hetym pieravodnyja depazity fizičnych asob pavialičylisia na 7,8% i skłali na 1 studzienia Br2,845 młrd, depazity jurydyčnych asob vyraśli na 10,5% da Br3,313 młrd.
Hrašovaja masa ŭ nacyjanalnym vyznačeńni skłałasia na ŭzroŭni Br19,464 młrd, pavialičyŭšysia za śniežań na 5,9%.
Abjom kaštoŭnych papier, vypuščanych bankami (pa-za bankaŭskim zvarotam) u nacyjanalnaj valucie, za śniežań źmienšyŭsia da Br1,352 młrd (na 7%).
Rublovaja hrašovaja masa pavialičyłasia za minuły miesiac na 4,9% i na 1 studzienia skłała Br20,375 młrd.
Depazity ŭ zamiežnaj valucie vyraśli na 1,5% da Br28,375 młrd.
