Arcybiskup Kandrusievič i biskup Vielikasielec pamolacca razam
24 studzienia u minskaj archikatedry Najśviaciejšaha Imia Maryi adbudziecca celebracyja ŭračystaj śviatoj Imšy z udziełam arcybiskupa Tadevuša Kandrusieviča i biskupa Kazimira Vielikasielca, paviedamlaje Catholic.by.
Nahadajem, što 3 studzienia, u dzień 75-hadovaha jubileju arcybiskupa Tadevuša Kandrusieviča, Papa Francišak pryniaŭ padadzienaje im prašeńnie ab vyzvaleńni ad pastyrskaha kiravańnia Minska-Mahiloŭskaj archidyjacezijaj u suviazi z dasiahnieńniem piensijnaha ŭzrostu.
U suviazi z tym, što paśla vychadu na piensiju Minska-Mahiloŭskaha Mitrapalita jaho katedra zastałasia vakantnaj, na čas da pryznačeńnia jaho nastupnika Apostalskim administrataram archidyjacezii byŭ pryznačany biskup Kazimir Vielikasielec, čyje paŭnamoctvy paśla dasiahnieńnia im u mai minułaha hoda piensijnaha ŭzrostu byli praciahnuty Śviatym Ajcom jašče na dva hady.
Supolnaja Eŭcharystyja ŭ hałoŭnaj śviatyni stalicy stanie malitvaju padziaki za šmathadovaje słužeńnie Minska-Mahiloŭskaha Mitrapalita arcybiskupa Tadevuša Kandrusieviča, jaki i paśla vychadu na piensiju praciahvaje słužyć Bohu i Jaho viernamu narodu Kaścioła ŭ Biełarusi.
Pačatak śviatoj Imšy ŭ minskim katedralnym kaściole (pł. Svabody, 9) 24 studzienia a 13-j hadzinie.
Adnačasova na partale Catholic.by budzie vieścisia pramaja tranślacyja hetaj celebracyi.
