Dystancyjnuju formu navučańnia ŭ škołach raspracavali, ale kłasna-ŭročnaj jana nie zamienić
Pra heta ŭ efiry STB raspavioŭ ministr adukacyi Ihar Karpienka, padsumoŭvajučy vyniki 2020 hoda, jaki prajšoŭ u tym liku pad znakam pandemii.
Skrynšot STB
«Treba skazać, što minuły navučalny hod my ŭsio ž taki zaviaršyli hodna, bo našy piedahohi, jak zaŭsiody, pakazali prykłady tvorčaści, inicyjatyvy, dzieści my ich padtrymali svaimi mietadyčnymi rekamiendacyjami i tymi pryncypova važnymi rašeńniami, jakija nieabchodna było pryniać dla taho, kab ukaranić dystancyjnyja formy adukacyi. Adrazu chaču padkreślić, što siońnia dystancyjnaja forma adukacyi, asabliva ŭ siaredniaj škole, nie zamienić kłasna-ŭročnuju sistemu», — skazaŭ jon.
«Samy hałoŭny vynik — toje, što my abiacali: ad studzienia my pačniom u testavym režymie voś hetuju adzinuju adukacyjnuju dystancyjnuju płatformu dla ahulnaj siaredniaj adukacyi. Jana budzie pracavać pakul što ŭ testavym režymie. Stvarałasia jana pry aktyŭnym udziele samich nastaŭnikaŭ, heta najlepšyja ich napracoŭki. U pierśpiektyvie my hetuju adukacyjnuju płatformu, jakaja stvorana, tuju asnovu pavinny adtačyć z punktu hledžańnia niejkich adzinych patrabavańniaŭ i padychodaŭ», — dadaŭ ministr.