Life pavyšaje ceny na niekatoryja taryfy i pasłuhi
Apieratar Life z 12 studzienia źmienić ceny na niekatoryja taryfy i pasłuhi.
Na taryfie Start abanpłata stanie 1,90 rub./mies. Zvanok va ŭsie sietki za chvilinu budzie kaštavać 0,10 rub. Dla abanientaŭ zachavajecca bieźlimit na Telegram, WhatsApp, BiP.
Abanienty «Lhotnaha» taryfu z dapamohaj pasłuhi «Skarbonka» praciahnuć zarablać sabie biaspłatnyja chviliny za kožny ŭvachodny zvanok ź inšych sietak. Abanpłata składzie 2,00 rub./mies.
Abanpłata na taryfie «Hołas 12» stanie 6,90 rub./mies. Niavykarystany trafik zharać nie budzie, jaho nazapašvańni prosta praciahnucca.
Na taryfie «Šejk Mini» abanienckaja płata stanie 10,90 rub./mies, na «Šejk» — 14,90 rub./mies. Dla abanientaŭ hetych taryfaŭ zachavajecca biaspłatnaja mahčymaść dzialicca lišnim trafikam abo abmieńvać jaho.
Na taryfie «Stoo» abanienckaja płata składzie 13 rub./mies.
Abanienty taryfnaha płanu «Play» buduć płacić 21,90 rub./mies. Jany mohuć karystacca biaspłatna padpiskaj «Jandeks. Plus», jakaja ŭklučana ŭ taryf, i biaspłatna dzialicca lišnim trafikam ź inšymi abanientami.
Abanpłata na taryfnym płanie «Razumnyja rečy» stanie 5,90 rub./mies.
Dla taryfu «Bieźlimit Łajt» abanienckaja płata składzie 7,50 rub./mies. abo 0,25 rub./sut., dla «Bieźlimit Standart» — 10,50 rub./mies. abo 0,35 rub./sutki, dla «Bieźlimit Standart» (dla abłasnych centraŭ i rehijonaŭ) — 8,40 rub./mies. abo 0,28 rub./sut.
Źmieny zakranuli i taryfy «Supier Biznes life:)» i «Novy Supier Biznes life:)». Abanpłata na ich składzie 3,90 rub./mies.
