Pamior majstar špijonskich ramanaŭ Džon le Kare
Brytanski piśmieńnik Džon le Kare (sapraŭdnaje imia — Devid Kornueł) pamior na 90-m hodzie žyćcia.
curtisbrown.co.uk
Pryčynaj śmierci nazyvajecca niepraciahłaja chvaroba, nie źviazanaja z COVID-19. Siamja piśmieńnika ŭdakładniła, što jon chvareŭ na pnieŭmaniju.
Džon le Kare naradziŭsia 19 kastryčnika 1931 hoda ŭ horadzie Puł. Vajskovuju słužbu prachodziŭ u składzie brytanskaha raźviedvalnaha korpusa ŭ Aŭstryi. Supracoŭničaŭ z brytanskaj słužbaj biaśpieki (MI5) i ŭkaraniŭsia ŭ supołku levych. U 1958 hodzie le Kare pierajšoŭ na štatnuju pracu ŭ viedamstva. Paźniej jon pačaŭ pracavać u raźviedsłužbie MI6.
Usiaho za svaju karjeru le Kare napisaŭ niekalki dziasiatkaŭ apaviadańniaŭ i 25 špijonskich ramanaŭ. Samyja viadomyja — «Ruski dom», «Špijon, vyjdzi preč!», «Špijon, jaki pryjšoŭ z choładu», «Maleńkaja barabanščyca»
Šmat jaho prac byli ekranizavanyja.