Памёр майстар шпіёнскіх раманаў Джон ле Карэ
Брытанскі пісьменнік Джон ле Карэ (сапраўднае імя — Дэвід Корнуэл) памёр на 90-м годзе жыцця.
curtisbrown.co.uk
Прычынай смерці называецца непрацяглая хвароба, не звязаная з COVID-19. Сям'я пісьменніка ўдакладніла, што ён хварэў на пнеўманію.
Джон ле Карэ нарадзіўся 19 кастрычніка 1931 года ў горадзе Пул. Вайсковую службу праходзіў у складзе брытанскага разведвальнага корпуса ў Аўстрыі. Супрацоўнічаў з брытанскай службай бяспекі (MI5) і ўкараніўся ў суполку левых. У 1958 годзе ле Карэ перайшоў на штатную працу ў ведамства. Пазней ён пачаў працаваць у разведслужбе MI6.
Усяго за сваю кар'еру ле Карэ напісаў некалькі дзясяткаў апавяданняў і 25 шпіёнскіх раманаў. Самыя вядомыя — «Рускі дом», «Шпіён, выйдзі прэч!», «Шпіён, які прыйшоў з холаду», «Маленькая барабаншчыца»
Шмат яго прац былі экранізаваныя.
