U Minsku prachodzić źjezd AHP: abirajuć novaje kiraŭnictva
Mikałaj Kazłoŭ. Fota Nadziei Bužan
29 listapada ŭ Minsku prachodzić XX źjezd Abjadnanaj hramadzianskaj partyi, udzieł u im biaruć 85 delehataŭ, paviedamlaje «Radyjo Svaboda».
Na źjeździe płanujecca abrać novaje kiraŭnictva partyi — staršyniu, namieśnikaŭ, Palitradu i Nacyjanalny kamitet AHP.
V. a. staršyni partyi Mikałaj Kazłoŭ nieadnaznačna acaniŭ dośvied udziełu partyi ŭ prajmieryz apazicyi. Palityk patłumačyŭ, što heta byŭ pieršy dośvied:
«My vyjhrali hety prajmeryz. U im, moža, udzielničała niašmat ludziej, moža, jon byŭ niedastatkova razrekłamavany, ale tym nie mienš», — skazaŭ Kazłoŭ.
Siarod dasiahnieńniaŭ partyi Kazłoŭ nazvaŭ prydumany AHP novy farmat akcyj — łancuhi salidarnaści.
Taksama jon nahadaŭ, što partyja padtrymała na vybarach 9 žniŭnia Śviatłanu Cichanoŭskuju, siabry partyi byli siarod jaje davieranych asob i ciapier pracujuć u jaje štabie i ŭ asnoŭnym składzie Kaardynacyjnaj rady.
«U partyi siońnia try asnoŭnyja zadačy, jak i ŭ biełaruskaha naroda: spynieńnie represij, vyzvaleńnie palityčnych viaźniaŭ, praviadzieńnie sumlennych svabodnych vybaraŭ biez udziełu Alaksandra Łukašenki. Pakul prachodziać pratesty, my vyrašyli nie vypinać partyju, pryspuścić partyjnyja štandary, pakul my nie vyrašym z astatnimi hetyja try prostyja rečy», — skazaŭ Kazłoŭ.