Łukašenka: Uvieś śviet pierakanaŭsia, što Biełaruś abrała pravilny šlach u baraćbie z karanavirusam
BiełTA
Pra heta Alaksandr Łukašenka zajaviŭ padčas sustrečy z kalektyvam 6-j haradskoj kliničnaj balnicy, paviedamlaje BIEŁTA.
Jon padkreśliŭ, što vysoki ŭzrovień zachvorvańnia na karanavirus źjaŭlajecca vielmi surjoznaj prablemaj dla krainy i dla jaho jak jaje kiraŭnika, choć Biełaruś užo sutykałasia ź joj u pieršuju chvalu i napracavała peŭny vopyt.
«Važna, što ŭvieś śviet pierakanaŭsia, što my tady prajšli hety šlach pravilna, — kanstatavaŭ jon. — My hety šlach prajšli hodna — adzinyja ŭ śviecie».
Alaksandr Łukašenka rastłumačyŭ, što z naviedvańnia 6-j haradskoj kliničnaj balnicy Minska pačniecca sieryja jaho vizitaŭ pa miedycynskich ustanovach rehijonaŭ krainy.
Jon maje namier naviedać balnicy ŭ kožnaj z abłaściej Biełarusi, kab asabista pierakanacca ŭ tym, što dapamoha akazvajecca na vysokim uzroŭni, i vyvučyć, jak udaskanalić praces lačeńnia.
U balnicy Łukašenka znoŭ vykazaŭsia ab žadańni polskich uładaŭ pieravabić u svaju krainu biełaruskich miedykaŭ.
«Nam treba svaich chvorych lačyć, ale my hatovyja i im dapamahčy. Ale tolki davajcie pa-čałaviečy: vam treba — my da vas adpravim bryhadu, dapamožam», — prapanavaŭ Łukašenka.