Łukašenka: Kab pracentaŭ na 70-80% paŭnamoctvy pieradać parłamientu, uradu, Kanstytucyju łamać nie treba
BiełTA
Na naradzie, pryśviečanaj darožnamu zboru, Łukašenka zakranuŭ temu raźmierkavańnia paŭnamoctvaŭ. Videafrahmient apublikavaŭ telehram-kanał Puł pieršaha.
«Narod, hramadstva chočuć pieramien, i jany zamknulisia na prezidencie i jaho paŭnamoctvach. Jak vyjście z hetaha — źmieny ŭ Kanstytucyju. My niadaŭna damovilisia z kiraŭnictvam parłamienta, što dla taho, kab pracentaŭ na 70-80% paŭnamoctvy prezidenta pieradać parłamientu, uradu, inšym strukturam, Kanstytucyju łamać nie treba. Tamu ŭsie pytańni, jakija vy vynieśli na sotni staronak prezidentu, lažać u płoskaści parłamienta i ŭrada. Nie? Tak. Voś davajcie ich i vyrašajcie, jak u cyvilizavanym hramadstvie: urad prapracoŭvaje hetyja pytańni z ulikam usich abstavin, bačačy dzirki ŭ biudžecie, kali jany jość, z padačy MUS, KDB, hubiernataraŭ, miascovych orhanaŭ ułady, sielskich savietaŭ abmiarkoŭvajcie i debatujcie ŭ parłamiencie, bo heta pryniata ŭ cyvilizavanych krainach — deputaty razam z uradam heta abmiarkoŭvajuć, irvuć adno adnamu halštuki, kašuli, kruciać hałovy… potym prezident padpiša zakon, jaki vy prymiecie, voś i ŭsio, — skazaŭ Łukašenka.
Łukašenka paabiacaŭ da Usiebiełaruskaha narodnaha schodu «raźmierkavać paŭnamoctvy sumlenna, spraviadliva, nie sychodziačy ad adkaznaści».
«Pytańniaŭ vostrych dla hramadstva ŭ nas niašmat. Vostrych pytańniaŭ dla hramadstva ŭ nas niašmat — my ŭžo pryniali ŭsiakija rašeńni. I vy vydatna viedajecie, što prymaŭ ich u asnoŭnym prezident, padstaŭlajučy siabie pad vostruju krytyku hramadstva. Ale ja razumieŭ, što bieź ich krainy być nie moža».
