Armienija viernie Azierbajdžanu terytoryju vakoł Nahornaha Karabacha i puścić rasijskich vajskoŭcaŭ
Armienija i Azierbajdžan pry ŭdziele Rasii pahadzilisia spynić vajnu ŭ Nahornym Karabachu. Umovy miru balučyja dla Armienii — premjeru Pašynianu daviałosia pahadzicca na toje, čaho patrabavaŭ prezident Azierbajdžana Alijeŭ.
U pačatku 1990-ch, kali ŭspychnuła vajna, Armienija ŭziała pad svoj kantrol nie tolki Nahorny Karabach (jon mieŭ status aŭtanomii ŭ składzie Azierbajdžana), ale i tak zvany «pojas biaśpieki» — siem rajonaŭ Azierbajdžana vakoł Karabacha. Heta było nieabchodna dla taho, kab praduchilić revanš.
Padčas vajny-2020 Azierbajdžan advajavaŭ čatyry ź siami rajonaŭ i praciahvaŭ nastup. Pašynian pahadziŭsia viarnuć da kanca miesiaca astatnija try rajony.
Žoŭtaja terytoryja vierniecca Azierbajdžanu. Aranžavaja zastaniecca Karabacham z armianskim nasielnictvam.
Błakitnym paznačana terytoryja, što kantralujecca Azierbajdžanam, čyrvonym, što Armienija pavinna viarnuć Azierbajdžanu, zialony koler — pazastały Karabach
Azierbajdžan pakidaje armianam Łačynski kalidor, kab Armienija mieła darohu ŭ Karabach. Ale ŭzamien harantuje sabie transpartny kalidor praz terytoryju Armienii ŭ svaju aŭtanomiju, Nachičevań.
U Karabach na miesca armianskaj armii uvojduć 1960 rasijskich vajskoŭcaŭ, jakija i pavinny harantavać vykanańnie pahadnieńnia.
Častka armianskaha hramadstva, nie zhodnaja z rašeńniem Pašyniana, pačała pratesty ŭ Jerevanie. Ludzi ŭvarvalisia ŭ budynak parłamienta Armienii.
