Łukašenka: My rašuča abaraniajem intaresy bolšaści hramadzian, jakija prahałasavali za adzinuju Biełaruś
Ab hetym zajaviŭ siońnia Alaksandr Łukašenka, prymajučy davierčyja hramaty pasłoŭ zamiežnych dziaržaŭ, piša BiełTA.
Kiraŭnik dziaržavy adznačyŭ, što siońnia Biełaruś pieražyvaje niaprosty pieryjad, źviazany z abaronaj svajho suvierenitetu, zachavańniem stabilnaha ŭnutranaha stanovišča i pahłybleńniem hramadskaha dyjałohu. Pa jaho słovach, kalejdaskop padziej hetaha hoda staŭ ekzamienam nie tolki dla dziejučaj ułady, ale i dla ŭsiaho biełaruskaha hramadstva.
«Jak kiraŭnik dziaržavy adkazna zajaŭlaju, što my zdolnyja efiektyŭna supraćstajać źniešnim vyklikam i pahrozam, zabiaśpiečyć unutrypalityčnuju stabilnaść, nie dapuścić hramadzianskaha raskołu i samavolstva asobnych radykalnych elemientaŭ. My rašuča abaraniajem intaresy bolšaści hramadzian, jakija prahałasavali za adzinuju Biełaruś i vystupajuć za niezaležnuju i ŭstojlivuju dziaržavu», — padkreśliŭ Alaksandr Łukašenka.
Na cyrymoniju ŭ Pałac Niezaležnaści prybyli novy apostalski nuncyj, pasły Vieniesueły, Irana, KNDR, Siryi, Turcyi i Japonii.
