Na palihonie pad Asipovičami prajšli vyprabavańni reaktyŭnaj sistemy «Škvał» VIDEA
Na Asipovickim palihonie paśpiachova prajšoŭ vyprabavańni dośledny ŭzor Bajavoj mašyny reaktyŭnaj sistemy załpavaha ahniu «Škvał», stvoranaj AAT «VołatAŭta». Pravierku prajšli ŭsie sistemy bajavoj mašyny, zadadzienyja charaktarystyki paćvierdžanyja, paviedamlaje Minabarony ŭ svaim telehram-kanale.
Bajavaja mašyna RSZA kalibra 122-mm «Škvał» abstalavana nakiravanymi trubami ajčynnaj vytvorčaści i bolš efiektyŭnaj aŭtamatyčnaj sistemaj kiravańnia ahniom, sistemaj spadarožnikavaj navihacyi, mieteastancyjaj, sučasnym kompleksam suviazi i pieradačy źviestak, aŭtamatyzavanaj sistemaj naviadzieńnia dla raboty ŭ składzie hrupoŭki z atrymańniem celi, što značna pamianšaje časavy intervał znachodžańnia bajavoj mašyny na ahniavoj pazicyi i pavyšaje jaje žyvučaść va ŭmovach sučasnaha boju, zaznačaje Minabarony.
Reaktyŭnaja sistema zmoža vykarystać nie tolki ŭsiu liniejku bojeprypasaŭ, jakija ŭžyvajucca roznymi madyfikacyjami RSZA «Hrad», ale i 122-mm reaktyŭnyja snarady, madernizavanyja na biełaruskim zavodzie dakładnaj elektramiechaniki.
