Łukašenka sustrakajecca z hubiernataram Branščyny 

Naša ŭzajemadziejańnie prynosić adčuvalny ekanamičny efiekt. Pra heta Alaksandr Łukašenka zajaviŭ na sustrečy z hubiernataram Branskaj vobłaści Rasii Alaksandram Bahamazam, piša BiełTA.

Łukašenka adznačyŭ, što napiaredadni zaviaršyŭ pracu VII Forum rehijonaŭ Biełarusi i Rasii, na jakim padviedzieny vyniki i namiečany pierśpiektyvy supracoŭnictva. Pa svaich vynikach hety forum pierasiahnuŭ usie astatnija, ličyć jon. Zaklučany kantrakty na sumu bolš jak $750 młn.

«Heta dobry ŭkład u ekanomiku Biełarusi. I dla Rasii heta istotna, — skazaŭ Alaksandr Łukašenka. — My znajšli šlachi nie prosta zbližeńnia, a ŭzajemadziejańnia, jakoje prynosić adčuvalny ekanamičny efiekt».

0

0

0

0

0

0