Nieviadomy vykinuŭ sabaku na MKAD. Žyvioła zahinuła
Na Minskaj kalcavoj zahinuŭ sabaka. Adzin ź vidavočcaŭ raskazaŭ, što sabaku paprostu vykinuli z mašyny. Hety fakt jon źniaŭ na videarehistratar i raźmiaściŭ na YouTube, paviedamlajuć «Minsk-Naviny».
Na kadrach rolika vidać, jak 28 vieraśnia ŭ 15:11 nieviadomy mužčyna na čornym usiedarožniku, vierahodna Volkswagen Tiguan, pakidaje sabaku na abočynie MKAD u rajonie 10-j haradskoj kliničnaj balnicy. Pa słovach aŭtara rolika, u bakavoje lusterka było vidać, jak mužčyna začyniŭ dźviery aŭto i źjechaŭ «kinuŭšy sabaku adnaho na volu losu». Taksama možna było zaŭvažyć, što sabaka sprabavaŭ dahnać mašynu.
Kali aŭtaamatar, jaki staŭ śviedkam hetaj karciny, jechaŭ nazad pa vonkavym kole MKAD, u hetym ža miescy ŭ trecim šerahu pobač z adbojnikam ubačyŭ taho sabaku. Jon byŭ miortvy. Vierahodna, sabaku źbiła inšaja mašyna, bo žyvioła biehła da kožnaj, spadziejučysia, što haspadar viarnuŭsia.
