«Niepryjemna atrymlivać rassyłku: «Chutka my ciabie paviesim, had» — Davydźka pra svajo adklikańnie
U haradach Biełarusi vystrojvajucca čerhi achvotnych adklikać deputataŭ Pałaty pradstaŭnikoŭ. Aktyŭnaja praca idzie i pa akruzie Hienadzia Davydźki. Jon raskazaŭ «Našaj Nivie», jak aceńvaje aktyŭnaść pa svaim adklikańni.
Na dumku Davydźki, zbor podpisaŭ za adklikańnie deputataŭ spravakavany zamiežnymi siłami, zacikaŭlenymi ŭ razvale dziaržavy. Davydźka choča vieryć, što hetaja inicyjatyva ni da čaho nie pryviadzie.
«Bolšaść maich vybarcaŭ nastrojeny suprać taho, kab mianie adklikać. Ja ŭpeŭnieny, što tyja, chto choča mianie adklikać, za mianie i nie hałasavali, abo ŭvohule na vybarach nie byli», — skazaŭ Davydźka.
Da taho, što adbyvajecca, jon stavicca spakojna, ale niuansy jość.
«Kaniečnie, niepryjemna bačyć u internecie svoj tvar, pierakreśleny čyrvonaj stužkaj. Niepryjemna atrymlivać rassyłku: «Chutka my ciabie paviesim, had». Heta ŭsio jany ž, ja dumaju.
Heta niepryjemna, ale ja budu i dalej zmahacca za pravy tych ludziej, jakija žyvuć, chočuć pracavać u stabilnaj, niezaležnaj dziaržavie», — reziumavaŭ Davydźka.