«Zapałochvańni ŭžo nie pracujuć». Maryja Kaleśnikava prahałasavała na vybarach
Foto Olhi Łojko
Pradstaŭnik abjadnanaha štaba Śviatłany Cichanoŭskaj Maryja Kaleśnikava prahałasavała na vybarach prezidenta. Jana spadziajecca, što ŭsio projdzie mirna, piša Tut.by.
«Zapałochvańni ŭžo nie pracujuć. Spadziajemsia, heta chutka skončycca», — koratka skazała jana žurnalistam.
Maryja Kaleśnikava, pravieryŭšy svoj biuleteń — ci niama niejkich paznak, i ci jość dva podpisy na abarocie, adpraviłasia ŭ kabinku i prahałasavała.
Płany ŭ pradstaŭnika abjadnanaha štaba na siońnia prostyja: paśniedać, potym skłaści kampaniju Śviatłanie Cichanoŭskaj, kali taja adpravicca hałasavać, a astatniaje — jak pojdzie.
— Budziem spadziavacca, što ŭsio budzie mirna, — dadała jana.
Nahadajem, pieršapačatkova Maryja Kaleśnikava ŭznačalvała štab Viktara Babaryki. Paźniej jana razam sa Śviatłanaj Cichanoŭskaj i Vieranikaj Capkała stała tvaram abjadnanaha štaba.
