Pravakatar ź miehafonam ź mitynhu Cichanoŭskaj pryjechaŭ na pasłańnie Łukašenki FOTAFAKT
Pravakatar ź pieradvybarčaha mitynhu Śviatłany Cichanoŭskaj u Homieli byŭ zaŭvažany siarod słuchačoŭ pasłańnia Alaksandra Łukašenki da parłamienta i naroda.
Nahadajem, što adbyłosia ŭ Homieli: jak tolki kandydatka ŭ prezidenty pavitałasia sa šmattysiačnym natoŭpam, ź pieršych šerahaŭ razdaŭsia niečy kryk u miehafon: «Adkažy, čamu z padmanu pačynaješ? Čamu schavała dachody?!»
Pravakatara ŭdałosia identyfikavać. Heta Fiodar Haralenka, raniej byŭ namieśnikam dyrektara pa ideałohii na «Homielžalezabietonie», ciapier pierajšoŭ na Homielski domabudaŭničy kambinat. Da taho ž jon byŭ namieśnikam staršyni vybarčaj kamisii na adnym z učastkaŭ na letašnich parłamienckich vybarach.
Fota Nadziei Bužan.
Fiodar Haralenka ŭ pieršym šerahu na fota.
Da mužčyny ź miehafonam adrazu pracisnulisia achoŭniki. Zabirać techniku nie stali, ale pravakacyju spynili. Da kanca mitynhu jon ni razu nie padaŭ hołasu.
