U Kaściukovičach chłopiec skraŭ hrošy, a ich potym ściahnuła varona VIDEA
Kurjozny vypadak adbyŭsia ŭ Kaściukovičach. U apieratyŭna-dziažurnuju słužbu miascovaha rajadździeła źviarnuŭsia 18-hadovy chłopiec. Jon raspavioŭ, što nieabačliva pakinuŭ svoj zaplečnik na łavačcy kala kramy i na niekalki chvilin adłučyŭsia, a kali viarnuŭsia, zaŭvažyŭ, što z zaplečnika źnikła vokładka ad pašpartu, u jakoj znachodzilisia 150 rubloŭ, paviedamlaje MUS.
Špikam u raskryćci hetaha złačynstva dapamahli zapisy z kamier videanazirańnia. Złodziejem akazałasia varona: padlacieŭšy da łaŭki, ptuška ŭvažliva vyvučyła źmieściva zaplečnika, vyciahnuła vokładku ad pašpartu i palacieła.
Adnak, na hetym kurjozy nie skončylisia. Jak vyśvietlili supracoŭniki kryminalnaha vyšuku, hrošy, skradzienyja varonaj, u ruki paciarpiełaha patrapili złačynnym šlacham. Dvuma dniami raniej jon vykraŭ 300 biełaruskich i 6000 rasijskich rubloŭ u 52-hadovaj hramadzianki. Častku sumy paśpieŭ patracić, a astatnija ŭ dziubie zabrała varona.
