U pieršyja ž sutki pieramirja na Danbasie byŭ abstreł, ukrainskaja armija nie adkazała
Z pačatku «poŭnaha i ŭsioabdymnaha spynieńnia ahniu» na Danbasie zafiksavali adzin abstreł, paviedamiŭ bbc.com kamandujučy apieracyi Abjadnanych Sił hienierał-lejtenant Uładzimir Kraŭčanka.
Na jaho ŭkrainskaja armija nie adkazvała, tamu što nie było niebiaśpieki asabovamu składu.
Akramia taho, prarasijskija farmavańni pastavili z dapamohaj RPH try miny kala ŭkrainskich pazicyj.
Paźniej abstreły sa strałkovaj zbroi i, vierahodna, hranatamiota zafiksavali niepadalok Horłaŭki.
Kraŭčanka zapeŭniŭ, što ŭ vypadku niebiaśpieki bajcy majuć prava adkryvać ahoń u adkaz.
Pieramirje na Danbasie było abvieščana z 00:00 hadzin 27 lipienia. Na pieradavych pazicyjach znachodziacca aficery, jakija kantralujuć vykanańnie pieramirja i dajuć spravazdaču ŭ ABSIE. Taksama ABSIE kantraluje vykanańnie pieramirja z boku prarasijskich siłaŭ.