23 lipienia kamieta Neowise maksimalna nablizicca da Ziamli
Fota Viktara Małyščyca
Ale heta nie značyć, što jana stanie jarčejšaj. Jarkaść kamiet zaležyć ad blizkaści da Sonca, a kamieta C/2020 F3 (Neowise), jakaja ŭ čaćvier budzie bližej za ŭsio da Ziamli, budzie mienš prykmietnaja, čym u pačatku miesiaca, bo ad Sonca addalajecca.
Minimalnaja adlehłaść, na jakoj budzie znachodzicca samaja jarkaja za apošnija siem hadoŭ kamieta ad Ziamli, składzie 0,692 astranamičnaj adzinki, abo 103,52 młn km.
Jaje jarkaść i pamiery pastupova buduć źmianšacca, ale jašče niekalki tydniaŭ jaje možna budzie nazirać na paŭnočnym uschodzie nievysoka nad haryzontam uviečary i ŭ pieršuju pałovu nočy.
Kamietu C/2020 F3 (Neowise) adkryli viasnoj 2020 hoda z dapamohaj infračyrvonaha kaśmičnaha teleskopa Neowise. Minuły raz jana nabližałasia da Ziamli 6800 hadoŭ tamu.
Jarkaja kamieta Neowise nad biełaruskimi prastorami. Pryhožyja foty
