Łukašenka — členam urada: Siońnia treba vyratavać toje, što pabudavali. Ci toje jašče budzie
BiełTA
Łukašenka zaklikaje novy skład urada pryjści da pracoŭnaha rytmu ŭ samy karotki termin. Prymajučy siońnia kadravyja rašeńni, jon źviarnuŭsia da prysutnych, piša sb.by.
«Vy ŭ tonusie ŭsie. Kali chtości nie ŭ tonusie, my nadadzim impuls, kab vy byli ŭ tonusie. Dla taho ž i ščupak u race, kab karaś nie dramaŭ. Što ja tut novaha prydumaŭ? Na toje i prezident, kab troški padavać niejkija impulsy.
Pry hetym jon padkreśliŭ, što patrabavańnie ŭklučycca ŭ pracu nie aznačaje, što zadačy buduć stavicca praźmiernyja:
«Ja ž razumieju, jak spartsmien, što nielha vas razahnać da šalonaha tempu. Bo serca ŭ kahości moža nie vytrymać…
…I ja nie źbirajusia tut zajmacca niejkim naskokam, kab kamuści hałavu złamać. Dy i čas nie toj, kab siońnia łamać. Siońnia navat nie čas budavać. Siońnia treba vyratavać toje, što pabudavali. Ci toje jašče budzie».
«Ja adkryta kažu narodu, vam: ź viertalota hrošy raskidvać nie budziem. U Amierycy źjaviŭsia hety tezis. Jany kolki zaŭhodna mohuć nadrukavać valuty, ale da hetaha času Tramp nie raskidvaje «viertalotnyja» hrošy navat paśla tych revalucyj, jakija achapili ŭsie Złučanyja Štaty Amieryki. I kali chtości sproščana na hetuju situacyju hladzić, pavinien vam skazać: sprava nie tolki i nie stolki ŭ tym, što tam nachabna, biespardonna zadušyli čałavieka palicyjanty. Sprava nie ŭ hetym. A ŭ tym, što pad 50 miljonaŭ u kvitniejučaj Amierycy biespracoŭnych u vyniku pandemii. Ujavicie: kali bahataja Amieryka nie moža spravicca, kali siońnia pobač bahataja Rasija nie moža spravicca z hetaj chvarobaj, takija hrošyki majučy… Tady što nam? U nas što, u vašych ci maich kułakach šmat hrošaj? Nie. Tamu vyratavać krainu i vyjści z hetaha stanovišča my možam tolki dziakujučy svajoj dyscyplinie, ścisnuŭšy zuby, strymanaści i skiravańniu ŭsiaho naroda na vyrašeńnie prablem», — skazaŭ Łukašenka.