Nazvali novuju hrupu ryzyki pa karanavirusie. Dla Biełarusi heta taksama aktualna
Fota Iryny Arachoŭskaj
U hrupu pavyšanaj ryzyki zarazicca karanavirusam uvajšli kurcy i ludzi, što ŭžyvajuć ałkahol. Pra heta ŭ intervju «Parłamienckaj haziecie» raskazaŭ prafiesar MHMU imia Siečanava, prezident Rasijskaj asacyjacyi hramadskaha zdaroŭja Andrej Dziomin, piša lenta.ru.
Vučony pakazaŭ, što ŭ čałaviečaha arhanizma jość peŭny zapas tryvałaści, i škodnyja zvyčki tolki spryjajuć jaho skaračeńniu, a ŭ kurcoŭ takija reziervy vyčarpanyja jašče da sustrečy ź virusam.
Dziomin spasłaŭsia na daśledavańnie SAAZ i papiaredziŭ, što ŭžyvańnie ałkaholu paražaje imunnuju sistemu, škodzić lohkim, a taksama parušaje sintez nieabchodnych rečyvaŭ u piečani. Usio heta spryjaje ciažkamu prachodžańniu COVID-19, rastłumačyŭ jon.
Ciapier tradycyjnymi hrupami ryzyki pa karanavirusie ličacca asoby, starejšyja za 65 hadoŭ, a taksama ludzi z chraničnymi zachvorvańniami.
