Šrajbman pra źniaćcie Hajdukieviča: Charyzmatyčny papulist moh adabrać u Łukašenki častku hałasoŭ
Fota Voli Aficeravaj
Arciom Šrajbman u svaim telehram-kanale prakamientavaŭ źniaćcie Aleha Hajdukieviča.
«Funkcyja takich kandydataŭ, jak Hajdukievič, u našaj sistemie — zapoŭnić biuleteń, kali raptam apazicyja zdymiecca. Heta strachoŭka. Kali biuleteń dakładna zapoŭnicca, sparynh-partnior užo nie patrebny.
A kali jašče i rejtynhi na dnie, charyzmatyčny papulist, jaki pracuje na tym ža elektaralnym poli, što i Łukašenka, moža prosta nie pakinuć prezidentu prychilnikaŭ.
Vidavočna, naviersie ŭbačyli, jak usio kiepska z padtrymkaj i jak niadrenna z hetym iduć spravy ŭ niekatorych alternatyŭnych kandydataŭ, i vyrašyli kansalidavać svaju bazu praciŭnikaŭ pieramien vakoł hałoŭnaha kansiervatara siońniašniaj Biełarusi.
Aleh, nie chvalujciesia, vy małady, i popyt na takuju partyju, jak vaša, budzie i paśla Łukašenki. Nie ŭpeŭnieny, što na vielmi šmat miescaŭ u parłamiencie, ale vam chopić», — napisaŭ Arciom Šrajbman.
Hajdukievič źniaŭsia z vybaraŭ: «Nie mahu być prastytutkaj, hałasujcie za Łukašenku
